Skip Ribbon Commands
Skip to main content
BettingandGamingLevy
මුල් පිටුව :: බදු වර්ග :: ඔට්ටු සහ සූදු බදු (B&GL)
 

ඔට්ටු සහ සූදු බදු

ඔට්ටු හා සූදු බදු සඳහා යටත් තැනැත්තන්
    • බුකිකරුවකුගේ ව්‍යාපාරය හෝ
    • සූදු ව්‍යාපාරය​

ශ්‍රී ලංකාව තුළ නීත්‍යානුකූලව හෝ නීත්‍යානුකූල නොවන පරිදි “බුකිකරුවකුගේ" ව්‍යාපාරයක් හෝ සූදු ව්‍යාපාරයක් කරගෙන යන යම් තැනැත්තෙකු පනතේ උප ලේඛනයේ නිශ්චිතව දක්වා ඇති අදාළ අනුප්‍රමාණයන් යටතේ බද්දට යටත් වේ. එම ව්‍යාපාරය එම තැනැත්තා විසින්ම වෙනත් ස්ථානයන්හි කරගෙන යන්නේ නම් එම එක් එක් වෙනත් ස්ථාන සඳහා එම පුද්ගලයා විසින් බද්ද ගෙවිය යුතුය. (බදු කාර්යය සඳහා එක් එක් ස්ථානය වෙනම ව්‍යාපාරයක් ලෙස සැලකේ.)


“බුකිකරුවකු” යන්නෙන්, ශ්‍රී ලංකාව තුළ හෝ ඉන් පිටත තරඟ වදිනු ලබන හෝ තරඟ වැදීමට යෝජනා කරනු ලබන තුරඟ තරඟ සඳහා හෝ ශ්‍රී ලංකාව තුළ හෝ ඉන් පිටත පවත්වනු ලබන හෝ පැවැත්වීමට යෝජනා කරනු ලබන යම් ක්‍රීඩා ඉසව්වක් වෙනුවෙන් ,

    1. කෙලින්ම හෝ අන්‍යාකාරයකින් ;
    2. මුදලට හෝ ණයට ; හෝ
    3. අන්තර්ජාලය හරහා,

ඔට්ටු භාරගන්නා වූ හෝ සාකච්ජා කරන්නා වු තැනැත්තෙකු අදහස් වේ.


“සූදු” යන්නෙන් ඔට්ටුවක් සඳහා යම් ක්‍රීඩාවක් කිරීම අදහස් කෙරෙන අතර බකාරා, පුන්ටෝ බැංකෝ, බග් සික්ස්, බ්ලැක් ජැක්, බුවලේ, චෙමින් ඩිපර්, චක් අ ලක්, ක්‍රවුන් ඇන්ඩ් ඇන්කර්, පාරෝ, පාරෝ බෑන්ක්, හසාඩ්, පෝකර් ඩයිස්, පොන් ටුන්, ඇමරිකානු හෝ ප්‍රංශ රුලේ, ට්‍රෙන්වේ එච් ක් වොරන් වේ, විංග්-එට්-උම්, වීල් ඔfප් ‍පෝචුන් යන කවර හෝ ක්‍රීඩාවක් -

  1. ගෙවීමක් කර හෝ නොකර; නැතහොත්
  2. අයිතිවාසිකමක් මත හෝ එසේ නැතිව

පුද්ගලයන්ට ඇතුළු විය හැකි යම් ස්ථානයක පවත්වාගෙන යෑම ඊට ඇතුළත් වේ.

​​

අණ පනත්

1988 අංක 40 දරණ ඔට්ටු හා සූදු බදු පනත (1988 නොවැම්බර් මස 24 වැනි දින සහතික කරන ලදී)
2001 අංක 07 දරණ ඔට්ටු හා සූදු බදු (සංශෝධන) පනත (2001 අප්‍රේල් මස 11 වැනි දින සහතික කරන ලදී)
2002 අංක 11 දරණ මුදල් (සංශෝධන) පනත (2002 ජූලි 08 දින සහතික කරන ලදී)
2003 අංක 23 දරණ ඔට්ටු හා සූදු බදු (සංශෝධන) පනත (2003 ජූලි  මස 30 වැනි දින සහතික කරන ලදී)
2005 අංක 09 දරණ ඔට්ටු හා සූදු බදු (සංශෝධන) පනත (2005 මාර්තු  මස 31 වැනි දින සහතික කරන ලදී)
2006 අංක 14 දරණ ඔට්ටු හා සූදු බදු (සංශෝධන) පනත (2006 මාර්තු  මස 31 වැනි දින සහතික කරන ලදී)
2013 අංක 19 දරණ ඔට්ටු හා සූදු බදු (සංශෝධන) පනත (2013 අප්‍රේල්  මස 24 වැනි දින සහතික කරන ලදී)
ඒකාබද්ධ කරන ලද 1988 අංක 40 දරණ ඔට්ටු හා සූදු බදු පනත (2013 අප්‍රේල් මස 30 වැනි දින දක්වා කරන ලද සංශෝධන සහිත)
2015 අංක 14 දරණ ඔට්ටු හා සූදු බදු (සංශෝධන) පනත (2015 ඔක්තොබර් 30 දින සහතික කරන ලදී.)
2023 අංක 11 දරණ ඔට්ටු හා සූදු බදු (සංශෝධන) පනත (2023 අගෝස්තු 21 දින සහතික කරන ලදී.)
ඔට්ටු ව්‍යාපාරය මත බදු අගය
2023 අප්‍රේල් මස 01 වන දින හෝ ඉන්පසුව ආරම්භ වන සෑම වර්ෂයක් සඳහාම බුකිකරුවකුගේ ව්‍යාපාරය,
  • අනුයෝජිතයකු මාර්ගයෙන් හෝ අන්තර්ජාලය හරහා සජීවී රූපවාහිණී විකාශන පහසුකම් භාවිතා කිරීමෙන් හෝ නොකිරීමෙන් සිදු කරනු ලබන අවස්ථාවක රුපියල් මිලියන පහක්.
  • සජීවී රූපවාහිණී විකාශන පහසුකම් භාවිතා කිරීමෙන් සිදු කරන අවස්ථාවක රුපියල් මිලියනයක
  • සජීවී රූපවාහිණී විකාශන පහසුකම් භාවිතා නොකර සිදු කරනු ලබන අවස්ථාවක රුපියල් හැත්තෑ පන් දහසක්
ූදු ව්‍යාපාරය (CASINO AND RUDJINO ) මත බදු අගය
  • 2023 අප්‍රේල් මස 01 දින හෝ ඉන් පසුව ආරම්භ වන සෑම වර්ෂයක් සඳහාම රැජිනෝ ක්‍රීඩාව ක්‍රීඩා කිරීම ඇතුළුව සූදු ව්‍යාපාරයක් කරගෙන යාම සඳහා රුපියල් මිලියන පන්සියයක්,
  • කැසිනෝ සමාජ ශාලාවකට ඇතුළු වන ශ්‍රී ලාංකික පුරවැසියකු වන සෑම තැනැත්තෙකුගෙන්ම කැසිනෝ ඇතුළුවීමේ බද්ද ඇමරිකානු ඩොලර් 50 හෝ එයට සමාන පරිවර්තනය කළ හැකි වෙනත් ව්‍යාපාර මුදලකින් අයකළ යුතුය.
ගෙවීම් නියමිත දිනයන්
සූදු ව්‍යාපාරය මත වාර්ෂික බද්ද
  • කාර්තුව ආරම්භවිමට පෙර ( වාර්ෂික බද්ද සමාන වාරික 04 කින් ගෙවිය යුතුය)
දළ එකතුව මත බද්ද
  • බුකිකරුවකු හෝ සූදු මත ව්‍යාපාරයක දළ එකතුව මත 15% අනුප්‍රමාණය යටතේ බද්දක් අය කරනු ලැබේ. එසේම එය මාසිකව ගෙවිය යුතුය.කෙසේ වෙතත් , දළ එකතුව මසකට රු. මිලියනයක් නොයික්මවන විට, මෙම බද්දට යටත් නොවේ. මෙම බද්දට යටත් ව්‍යාපාර එකතුකළ අගය මත බද්ද, සමාජ ආරක්ෂණ දායක බද්ද සහ ජාතිය ගොඩනැගීමේ බද්දට යටත් නොවේ.​
  • දළ එකතුව මත ගෙවිය යුතු බද්ද අදාළ මාසයෙන් පසුව ඉන් ඉක්බිතිව එළැඹෙන මාසයේ පළමු සතියේ හෝ ඊට පෙර ගෙවිය යුතුය.
වාර්තා ඉදිරිපත් කිරීම
    • මාර්තු 31 දිනෙන් අවසන් කාර්තුව            ​​-   අප්‍රේල් 20 දිනට පෙර
    • ජූනි 30 දිනෙන් අවසන් කාර්තුව          ​     -   ජූලි 20 දිනට පෙර
    • සැප්තැම්බර් 30 දිනෙන් අවසන් කාර්තුව   -   ඔක්තෝබර් 20 දිනට පෙර
    • දෙසැම්බර් 31 දිනෙන් අවසන් කාර්තුව     -   ජනවාරි 20 දිනට පෙර​​​​


අවසන් වරට යථාවත් කිරීම : 28-02-2024