Skip Ribbon Commands
Skip to main content
මුල් පිටුව :: බදු වර්ග :: ආදායම් බදු (IT)​​​​​
​ 

ආදායම් බද්ද

2017 අංක 24 දරණ දේශීය ආදායම් පනත යටතේ පනවා ඇති විධිවිධාන පදනම් කර ගනිමින් ආදායම් බදු අය කෙරේ. 2018 අප්‍රේල් මස 01 වන දිනෙන් ආරම්භ වන සෑම තක්සේරු වර්ෂයක් සඳහාම සෑම පුද්ගලයෙකුටම උද්ගත වූ හෝ එවැනි පුද්ගලයෙකුට උද්ගත වන ලැබීම් සහ ප්‍රතිලාභ මත ගාස්තු අය කිරීම, අයබදු ගැනීම සහ ආදායම් බදු එකතු කිරීමේ නීතිමය අධිකාරිය දේශීය ආදායම් පනත මඟින් ලබා දේ.

ආදායම් ප්‍රභව:
  • සේවා නියුක්ති ආදායම
    • තක්සේරු වර්ෂයක් සඳහා යම් පුද්ගලයෙකුට සේවා නියුක්තියෙන් ලැබෙන ලැබීම් සහ ලාභ ගණනය කිරීම
  • ව්‍යාපාර ආදායම
    • යම් තක්සේරු වර්ෂයක් සඳහා ව්‍යාපාරයකින් යම් තැනැත්තෙකුට ලැබෙන ආදායම, එම වර්ෂය සඳහා ව්‍යාපාරය පවත්වාගෙන යාමෙන් එම තැනැත්තාට ලැබෙන ලැබීම් සහ ලාභ වන්නේය.
  • ආයෝජන ආදායම
    • යම් තක්සේරු වර්ෂයක් සඳහා ආයෝජනයකින් යම් තැනැත්තෙකුට ලැබෙන ආදායම, එම වර්ෂය සඳහා එම ආයෝජනයෙන් එම තැනැත්තාට ලැබෙන ලැබීම සහ ලාභ වන්නේය.
  • වෙනත් ආදායම්
    • යම් තක්සේරු වර්ෂයක් සඳහා වෙනත් මූලාශ්‍රවලින් යම් තැනැත්තෙකුට ලැබෙන ආදායම එම වර්ෂය සඳහා කවර හෝ මූලාශ්‍රයකින් එම තැනැත්තාට ලැබෙන ලැබීම් සහ ලාභ විය යුතු අතර, ඊට අනියම් සහ පුනරාවර්තන නොවන ස්වභාවයේ ලාභ ඇතුලත් නොවිය යුතුය.

ශ්‍රී ලංකාවේ වාසිකයෙකු ලෙස සැලකෙන පුද්ගලයෙකු සම්බන්ධයෙන් ඔහු ශ්‍රී ලංකාවේදී උපයන ආදායම සහ ශ්‍රී ලංකාවෙන් පිටතදී උපයනු ලබන ආදායම, ආදායම් බද්දට යටත් විය යුතුය. එහෙයින් ආදායම් බදු බැඳියාව, ඔහුගේ ගෝලීය ආදායම දක්වා පුළුල් වී ඇත. ශ්‍රී ලංකාවේ නිර්වාසිකයෙකු ලෙස සැලකෙන පුද්ගලයෙකු සම්බන්ධයෙන් ආදායම් බදු අයවිය යුත්තේ , ශ්‍රී ලංකාවෙන් උද්ගත වන හෝ උපයන ලැබීම් සහ ප්‍රතිලාභ සඳහා පමණි.​​

ශ්‍රී ලංකාවේ වාසිකයෙකු වන තැනැත්තකු සඳහා තක්සේරු වර්ෂයකට හෝ ශ්‍රී ලංකාවේ නිර්වාසිකයෙකු වන නමුත්, ශ්‍රී ලංකාවේ පුරවැසියෙකු වන තැනැත්තෙකු සඳහා තක්සේරු වර්ෂයකට, රු 500,000 ක් වූ සංයුක්ත සහනයක් එම තක්සේරු වර්ෂය සඳහා ලැබෙනු ඇත.

බදු ගෙවීම

ස්වයං තක්සේරු පදනම මත ආදායම් බදු ගෙවිය හැකි අතර වාරික ලෙස ගෙවන පුද්ගලයෙකුට කාර්තුමය වාරික මඟින් බදු ගෙවිය හැක.

වාරිකය ගෙවීම් දිනය
පළමුවන වාරිකය එම තක්සේරු වර්ෂයේ අගෝස්තු මස 15 වන දින හෝ එදිනට පෙර
දෙවන වාරිකය එම තක්සේරු වර්ෂයේ නොවැම්බර් මස 15 වන දින හෝ එදිනට පෙර
තුන්වන වාරිකය එම තක්සේරු වර්ෂයේ පෙබරවාරි මස 15 වන දින හෝ එදිනට පෙර
හතරවන වාරිකය ඊළඟ අනුප්‍රාප්තික තක්සේරු වර්ෂයේ මැයි මස 15 වන දින හෝ එදිනට පෙර
අවසන් වාරිකය එම තක්සේරු වර්ෂය අවසන් වී මාස හයකට පසු එළඹෙන දිනය හෝ එදිනට පෙර
ආදායම් බදු වාර්තා ඉදිරිපත් කිරීම
  • වාර්තා ඉදිරිපත් කිරීම සඳහා නියමිත දිනය :
    • ආදායම් බදු වාර්තාව අදාළ තක්සේරු වර්ෂය අවසාන වන වර්ෂයේ නොවැම්බර් මස30 වැනි දින හෝ එදිනට පෙර ඉදිරිපත් කළ යුතුය.
  • ඉදිරිපත් කළ යුත්තේ :
    • අදාළ ප්‍රදේශයේ ආසන්නතම දේශීය ආදායම් අගනුවර / ප්‍රාදේශීය කාර්යාලය වෙත.
    • මධ්‍යම ලිපිලේඛන කළමනාකරණ ඒකකය(CDMU), 7 වන මහල (උතුරු කොටස), දේශීය ආදායම් මූලස්ථාන ගොඩනැඟිල්ල​​​​​​​​​

​​​
අවසන් වරට යථාවත් කිරීම : 17-04-2019