සිංහලதமிழ்English
එකතු කළ අගය මත බද්ද 2002 අංක 14 දරණ පනත මඟින් හඳුන්වා දෙන ලද අතර එය 2002 අගෝස්තු 01 වැනි දින සිට බල පැවැත්වේ. භාණ්ඩ හා සේවා බද්ද වෙනුවට එකතු කළ අගය මත බද්ද පනවන ලද අතර එය භාණ්ඩ හා සේවා පරිභෝජනය මත අය කරන බද්දකට බොහෝ සෙයින් සමාන වේ.
එය දේශීය භාණ්ඩ හා සේවා පරිභෝජනය මත පනවන ලද බද්දකි. ශ්රී ලංකාවට ආනයනය කරනු ලබන භාණ්ඩ හා ශ්රී ලංකාවේ දේශසීමාව තුල සපයනු ලබන භාණ්ඩ හා සේවා මෙම බද්දෙහි විෂය පථයට ඇතුලත් වේ. මෙම බද්ද භාණ්ඩ හා සේවා නිෂ්පාදනය කිරීමේ සහ බෙදාහැරීමේ ජාලයේ සෑම අදියරකදී ම වර්ධක අගය මත අයකරනු ලබන විවිධ අදියරයන්ගෙන් සමන්විත බද්දකි.
බද්ද අවසාන වශයෙන් පරිභෝජනය කරනු ලබන පාරිභෝගිකයා විසින් දරනු ලැබේ. එය වක්ර බද්දක් වන අතර නිෂ්පාදනය හා බෙදාහැරීමේ ජාලයේ සියලු අතරමැදි සැපයුම් කරුවන් හරහා අවසන් පාරිභෝගිකයා විසින් ගෙවනු ලබන බද්දෙහි වටිනාකමට සමාන වටිනාකමක් අවසානයේ දී රජයට ලැබේ.
මෙම බද්දෙන් නිදහස් වූ ඇතැම් භාණ්ඩ හා සේවා ද පවතී. ( එකතුකල අගය මත බදු පනතේ I උපලේඛනයේ II කොටසේ දක්වා ඇති පරිදි )
දේශීය ආදායම් දෙපාර්තමේන්තුවේ ප්රධාන කාර්යාලයේ පිහිටි ප්රාථමික ලියාපදිංචි කිරීමේ අංශයෙන් බදු ගෙවන්නා හැඳින්වීමේ අංකය සහ බදු ලියාපදිංචි කිරීමේ අංශයෙන් එකතු කළ අගය මත බද්ද සඳහා ලියාපදිංචිය හෝ දෙපාර්තමේන්තුවේ ළඟම ඇති ප්රාදේශීය කාර්යාලයෙන් ලියාපදිංචිය ලබා ගත යුතුය.
ලියාපදිංචි වීම සඳහා යටත් වන දින සිට දින 15 කට වඩා ප්රමාද නොවන පරිදි බදු වර්ගය සඳහා ලියාපදිංචි කිරීමේ අයදුම් පත්රය (TPR_005_S) මඟින් අයදුම් කළ යුතුය.
භාණ්ඩ හෝ සේවා සපයන යම් තැනැත්තෙකු හෝ හවුල් ව්යාපාරයක්, අදාල මාසය සඳහා වූ ගෙවීම් පසුව එළඹෙන මාසයේ 20 වැනි දින හෝ එදිනට පෙර ගෙවීම් කළ යුතුය.
නියමිත දිනය :
භාරදිය යුත්තේ :
