සිංහලதமிழ்English
සංහෝධිත 2017 අංක 24 දරණ දේශීය ආදායම් පනතේ 83 අ වැනි වගන්තිය (2023 ජනවාරි 01 සිට) ප්‍රකාර සේවා නියුක්තිකයෙකුගේ පාරිශ්‍රමිකයක් ගෙවන අවස්ථාවේ දී සේවා යෝජකයන් විසින් සේවා නියුක්ත ආදායම මත බදු අඩු කළ යුතුය.
මෙම කාර්යය සඳහා එකී බදු අඩු කිරීමේදී භාවිතයට ගනු ලැබිය යුතු බදු වගු දේශීය ආදායම් කොමසාරිස් ජනරාල් විසින් නියම කරනු ලැබේ. පාරිශ්‍රමිකයක් උපයනු ලබන අවස්ථාවේ දී අත්තිකාරමක් ලෙස මෙම බද්ද අඩු කර ගෙවනු ලබන බැවින් මෙය අත්තිකාරම් පුද්ගලික ආදායම් බද්ද ලෙස හැඳින්වේ.
බද්දට යටත් වන සෑම සේවා නියුක්තිකයෙකුගෙන්ම අත්තිකාරම් පුද්ගලික ආදායම් බදු අඩු කිරීමට සේවා යෝජකයින් බැඳී සිටින අතර එසේ බදු ලෙස අඩු කරන ලද සමස්ත මුදල පසුව එළැඹෙන මාසයේ 15 දින හෝ එදිනට පෙර දෙපාර්තමේන්තුව වෙත ප්‍රේෂනය කළ යුතුය.
