මුල් පිටුව ::
නිතර අසන පැණ
නිරන්තරයෙන් අසනු ලබන ප්රශ්න (FAQ)
ස්වයං-ප්රකාශය ඉදිරිපත් කිරීම - රඳවා ගැනීමේ බද්ද අඩු කිරීම වලක්වා ගැනීම සඳහා
1. ස්වයං-ප්රකාශය යනු කුමක්ද?
ස්වයං-ප්රකාශයක් යනු පොලී මත 10% ක රඳවා ගැනීමේ බද්ද අඩු කිරීම වලක්වා ගැනීම සඳහා බැංකුවට හෝ මූල්ය ආයතනයට කරන ඉල්ලීමකි.
එය රඳවා ගැනීමේ බද්ද අඩු කිරීමට පෙර බැංකු සහ මූල්ය ආයතනවලට ඉදිරිපත් කළ යුතුය. 2. ස්වයං-ප්රකාශයක් ඉදිරිපත් කළ හැක්කේ කාටද?
2025/04/01 දින සිට ආරම්භ වන ඕනෑම තක්සේරු වර්ෂයක් සඳහා තැන්පතු වලින් පොලී ආදායම ඇතුළුව තක්සේරු කළ හැකි ආදායම රු. 1,800,000/- නොඉක්මවන ඕනෑම වාසික පුද්ගලයෙකුට ස්වයං-ප්රකාශයක් ඉදිරිපත් කළ හැකිය. 3. තක්සේරු කළ හැකි ආදායම යන්නෙන් අදහස් කරන්නේ කුමක්ද?
තක්සේරු කළ හැකි ආදායම යනු පුද්ගලයෙකු සේවා නියුක්තිය, ව්යාපාර, ආයෝජන (පොළී ආදායම ඇතුළුව) සහ වෙනත් ආදායම් ප්රභවයන්ගෙන් තක්සේරු වර්ෂයක් තුළ ලැබුණු, ලැබීමට අපේක්ෂා කරන හෝ ලබා ගන්නා මුළු ආදායමයි. 4. තක්සේරු වර්ෂය යන්නෙන් අදහස් කරන්නේ කුමක්ද?
ඕනෑම වර්ෂයක අප්රේල් 01 වන දින සිට ආරම්භ වී ඊළඟ ඊළඟ වර්ෂයේ මාර්තු 31 වන දිනෙන් අවසන් වන මාස දොළහක කාලය යි. 5. ස්වයං-ප්රකාශයක් ඉදිරිපත් කිරීම සඳහා වන පූර්ව අවශ්යතා මොනවාද?
ස්වයං-ප්රකාශයක් ඉදිරිපත් කිරීමට කැමති ඕනෑම වාසික පුද්ගලයෙකුට ප්රකාශය ඉදිරිපත් කිරීමට පෙර දේශීය ආදායම් දෙපාර්තමේන්තුවෙන් (දැනටමත් ලබාගෙන නොමැතිනම්) TIN අංකය (බදු ගෙවන්නා හඳුනාගැනීමේ අංකය) ලබා ගත යුතුය. දේශීය ආදායම් දෙපාර්තමේන්තුවේ ප්රධාන කාර්යාලයට හෝ ඕනෑම නගර හෝ ප්රාදේශීය කාර්යාලයකට පැමිණීමෙන් හෝ මාර්ගගත සේවාව හරහා TIN අංකය ලබා ගත හැකිය. 6. බැංකුව හෝ මූල්ය ආයතනය TIN එක පමණක් පිළිගන්නේද නැතහොත් ඔවුන්ට කිසියම් තහවුරු කිරීමේ ලේඛනයක් අවශ්යද?
ගිණුම් හිමියා තම ස්වයං-ප්රකාශයේ TIN අංකය පමණක් සඳහන් කළ යුතුය. බැංකුව හෝ මූල්ය ආයතනය TIN අංකය සඳහා ගිණුම් හිමියාගෙන් කිසිදු තහවුරු කිරීමේ ලේඛනයක් ඉල්ලා නොසිටිය යුතුය.
7. ශ්රී ලංකාවේ පුරවැසියන් වන නිර්වාසිකයින්ට ස්වයං-ප්රකාශයක් ඉදිරිපත් කළ හැකිද?
යම් තක්සේරු වර්ෂයක් සඳහා ශ්රී ලංකාවේ වාසිකව නොසිටි නමුත් ශ්රී ලංකාවේ පුරවැසියකු වන පුද්ගලයින්ට ස්වයං-ප්රකාශයක් ඉදිරිපත් කිරීමට අයිතියක් නැත. කෙසේ වෙතත්, අදාල පුද්ගලයා වාසික වන රට සහ ශ්රී ලංකාව සමග පවතින ද්විත්ව බදු වැළැක්වීමේ ගිවිසුම් විධිවිධාන අනුව, නිර්වාසික පුද්ගලයන්ට පොලී ආදායම සඳහා සහනදායී රඳවා ගැනීමේ බදු අනුපාතයක් අදාල විමේ ඉඩ ඇත.
තවද, නිර්වාසික නමුත් ශ්රී ලංකාවේ පුරවැසියෙකු වන පුදගලයෙකු තක්සේරු වර්ෂයක් සඳහා රු. 1,800,000/= ක පුද්ගලික සහනයට වඩා වැඩියෙන් පොලී ආදායම් ලබනවිට අයවන 10% ක රඳවා ගැනීමේ බදු ප්රමාණය අවසානාත්මක බද්දක් බවට පත්වන අතර එවැනි පොලී ආදායමක් සඳහා තවදුරටත් බදු ගෙවීමක් අවශ්ය නොවේ. අනෙක් අතට, රු. 1,800,000/- ක පුද්ගලික සහනයට අඩුවෙන් එවැනි පුද්ගලයෙකු පොලී ආදායම් ලබනවිට 10% ක රඳවා ගැනීමේ බද්ද අයවනමුත් එය දේශීය ආදායම් දෙපාර්තමේන්තුවෙන් ආපසු ගෙවීමක් ලෙස ඉල්ලා සිටිය හැකිය.
8. බද්ධ ගිණුම් හිමියන්ට ස්වයං-ප්රකාශයක් ඉදිරිපත් කළ හැකිද?
ඔව්. බද්ධ ගිණුම් තැන්පතුවලින් ලැබෙන පොලී ආදායමේ තමන්ගේ කොටස ඇතුළුව බද්ධ ගිණුම් හිමියෙකුගේ තක්සේරු කළ හැකි ආදායම තක්සේරු වර්ෂය සඳහා රු. 1,800,000/ නොඉක්මවන්නේ නම්, එවැනි බද්ධ ගිණුම් හිමියෙකුට ස්වයං-ප්රකාශයක් ඉදිරිපත් කළ හැකිය. 9. බාලවයස්කාර දරුවෙකුට ස්වයං-ප්රකාශයක් ඉදිරිපත් කළ හැකිද?
බාලවයස්කාර දරුවෙකු වෙනුවෙන්, භාරකරුවෙකුට ස්වයං-ප්රකාශයක් ඉදිරිපත් කළ හැකිය. භාරකරුගේ ජාතික හැඳුනුම්පත සහ TIN අංකය ස්වයං-ප්රකාශයේ සඳහන් කළ යුතුය. 10. ස්වයං-ප්රකාශයක් වලංගු කාලය කුමක්ද?
ස්වයං-ප්රකාශයක් වලංගු වන්නේ තක්සේරු වර්ෂයක් සඳහා පමණි. 11. වාසික පුද්ගලයෙකුට ස්වයං-ප්රකාශයක ආකෘති පත්ර ලබා ගත හැක්කේ කෙසේද?
සාමාන්ය
1.බදු ගෙවන්නා හදුනා ගැනිමේ අංකය (TIN) ලබා ගන්නේ කෙසේද?
බාගත කර ගැනිම (Download)
සුදුසුකම ආදායම් බදු, එකතු කළ අගය මත බදු (VAT), ජාතිය ගොඩනැඟීමේ බදු, ආර්ථික සේවා ගාස්තු (ESC), යන බදු ගෙවීමට යටත් තැනැත්තන් සහ උපයන විට ගෙවීමේ බදු (PAYE) ක්රමය යටතේ සහ මුද්දර ගාස්තු ගෙවිම සඳහා ලියාපදිංචි විය යුතු අයෙක් හෝ අපනයනකරුවකු/ ආනයනකරුවකු/නැව් බඩු මෙහෙයවන්නකු/නිෂ්කාශන නියෝජිතයෙකු විය යුතුය.
අයදුම්පත් ලබා ගත හැකි ස්ථානයන් බදු සේවා අංශය, පළමු මහළ, දේශිය ආදායම් දෙපාර්තමේන්තුව, චිත්තම්පලම් ඒ. ගාඩිනර් මාවත, කොළඹ 02 හෝ ප්රාදේශීය කාර්යාල වෙතින්.
අයදුම්පත් ඉදිරිපත් කළ යුතු ස්ථානය බදු සේවා අංශය, පළමු මහළ, දේශිය ආදායම් දෙපාර්තමේන්තුව, චිත්තම්පලම් ඒ. ගාඩිනර් මාවත, කොළඹ 02. බදු සේවා අංශය රජයේ නිවාඩු දින හැර සඳුදා සිට සිකුරාදා දක්වා පෙ. ව. 8.30 සිට ප.ව. 4.15 දක්වා විවෘතව ඇත.
අයදුම්පත් ලබා ගැනිම/ සේවා ලබා ගැනිම සඳහා ගෙවිය යුතු ගාස්තු නැත
සේවය සැලසිම සඳහා ගන්නා කාලය (සාමාන්ය සේවය සහ ප්රමුඛ සේවය) අවශ්ය ලියකියවිලි සමඟ නිසි පරිඳි සම්පුර්ණ කරන ලඳ අයදුම්පත් සම්බන්ධයෙන් සහතිකය විනාඩි 40 ක් ඇතුලත නිකුත් කරනු ලැබේ. ප. ව. 3.00 ට පෙර භාර දෙන අදාල සියළුම ලියවිලි සහිතව නිසි ලෙස සම්පූර්ණ කරන ලද අයදුම් පත් සඳහා එදිනම සහතිකය නිකුත් කරන අතර අනෙකුත් අයදුම් පත් සඳහා පසුදින නිකුත් කරනු ලැබේ.
අවශ්ය කරන සනාථ කිරිමේ ලිපි ලේඛන -
තනි ව්යාපාරයක් හෝ හවුල් ව්යාපාරයක් නම්,
- ව්යාපාර ලියාපදිංචි කිරිමේ සහතිකය
- හිමිකරු/හවුල්කරු ගේ ජාතික හැදුනුම්පතෙහි ඡායා පිටපත්
ආනයනය සඳහා : වාණිජ ඉන්වොයිසිය සහ නෞභාරපත/ගුවන් ගමන් බිල්පත
අපනයනය සඳහා:
- අපනයන සංවර්ධන මණ්ඩලයේ (EDB) ලියාපදිංචිය
- අපනයනයන්ට අදාල වෙනත් ලියකියවිලි
- තේ මණ්ඩලයේ, පොල් වගා කිරිමේ මණ්ඩලයේ, මැණික් සහ ස්වර්ණාභරණ ආයතනයේ ලියාපදිංචි සහතිකය ( අදාළ වේ නම්)
-
සීමිත වගකිම් සහිත සමාගමක් නම්:
- 1982 අංක 17 දරණ සමාගම් පනත යටතේ ලියාපදිංචි කරන ලද (2007/ 05/ 03 දිනට පෙර ලියාපදිංචි කරන ලද)
- පවත්නා සමාගමක් ලියාපදිංචි කිරිම සඳහා අයදුම් පත ( ආකෘති පත්ර 40)
(සමාගම් රෙජිස්ටාර් විසින් නිකුත් කරන ලද සහතික කරන ලද පිටපත) - සංස්ථා ගත කිරිමේ සහතිකය (යළි ලියා පදිංචි කිරිම ) ( ආකෘති පත්ර 41)
- කොටස්කරුවන්ගේ සහ නොතාරිස්වරැන්ගේ අත්සන සහිත සාංගමික සංස්ථා පත්රය / සාංගමික ව්යවස්ථාවලිය
- අධ්යක්ෂවරුන්ගේ ජාතික හැදුනුම් පත්වල ඡායා පිටපත්
- 2007 අංක 7 දරණ සමාගම් පනත් යටතේ ලියාපදිංචි කරන ලද (2007/ 05/ 03 දිනට පසුව ලියාපදිංචි කරන ලද)
- සංස්ථා ගත කිරිමේ සහතිකය ( ආකෘති පත්ර 2A)
- සමාගමක් ලියාපදිංචි කිරිම සඳහා අයදුම් කිරිම ( ආකෘති පත්ර 1) (සමාගම් රෙජිස්ටාර් විසින් නිකුත් කරන ලද සහතික කරන ලද පිටපත්)
- කොටස්කරුවන්ගේ අත්සන් සහිතව සාංගමික ව්යවස්ථාවලිය
- අධ්යක්ෂවරුන්ගේ ජාතික හැදුනුම්පත්හි ඡායා පිටපත්
- ආයෝජන මණ්ඩලයේ ලියාපදිංචි සහතිකය සහ ආයෝජන මණ්ඩලයේ ගිවිසුම ( ආයෝජන මණ්ඩලයේ සමාගම් සඳහා)
-
ශ්රී ලංකාවෙන් පිටත සංස්ථාගත කරන ලද සමාගම්:
-
වෙනත් ව්යාපෘතින්/ බද්ධ ව්යාපාර:
- ව්යාපෘතී අධ්යක්ෂකගේ ඉල්ලිම්
- ව්යාපෘති ගිවිසුම
- අධ්යක්ෂවරුන්ගේ ජාතික හැඳුනුම්පත් වල හෝ වලංගු විදේශ ගමන් බලපත් වල ඡායා පිටපත්
- අදාල රජයේ අධිකාරිය මඟින් නිකුත් කරන ලද ලියාපදිංචි සහතිකයේ ඡායා පිටපතක්
සටහන්: - මුල් පිටපත් සමඟ ඉහත ලිපි ලේඛනවල ඡායා පිටපත් ඉදිරිපත් කළ යුතු අතර මුල් පිටපත් ආපසු භාර දෙනු ලැබේ.
- TIN සහතිකය:
- තනි පුද්ගලයෙකු සඳහා නම්, හිමිකරු ඉදිරිපත් වි අයදුම්පත අත්සන් කළ යුතුය.
- TIN සහතිකය හවුල් ව්යාපාර කටයුත්තක් සඳහා නම්, හවුල්කරුවකු ඉදිරිපත් වී අයදුම්පත අත්සන් කළ යුතුය
- TIN සහතිකය සමාගමක් සඳහා නම්, අධ්යක්ෂවරයෙකු ඉදිරිපත් වී අයදුම්පත අත්සන් කළ යුතුය
- බලයලත් තැනැත්තකු සහතිකය ලබා ගැනිමට පැමිණෙන්නෙ නම්, ඔහු / ඇය විසින් අදාළ තැනැත්තාගෙන් ලබා ගන්නා ලද බලය පැවරිමේ ලිපියක් සමග තම ජාතික හැදුනුම්පතෙහි ඡායා පිටපතක් ඉදිරිපත් කළ යුතුය.
- TIN සහතිකය නිකුත් කරනු ලබන්නේ එක් වරක් පමණී.
2.දැනටමත් නිකුත් කර ඇති TIN සහතිකයේ නම සහ ලිපිනය වෙනස් වීම.
සුදුසුකම් දැනටමත් TIN සහතිකයක් ලබාගෙන ඇති සහ, පසුව ව්යාපාරික නම හෝ ලිපිනය වෙනස් කර ඇති අයවළුන්.
අයදුම්පත් ලබා ගත හැකි ස්ථාන බදු සේවා අංශය, පළමු මහළ, දේශිය ආදායම් දෙපාර්තමේන්තුව, චිත්තම්පලම් ඒ. ගාඩිනර් මාවත, කොළඹ 02 හෝ ප්රාදේශීය කාර්යාල වෙතින්. බාගත කර ගැනිම (Download)
ඉල්ලීම් ඉදිරිපත් කළ යුතු ස්ථානය බදු සේවා අංශය, පළමු මහළ, දේශිය ආදායම් දෙපාර්තමේන්තුව, චිත්තම්පලම් ඒ. ගාඩිනර් මාවත, කොළඹ 02. බදු සේවා අංශය රජයේ නිවාඩු දින හැර සඳුදා සිට සිකුරාදා දක්වා පෙ. ව. 8.30 සිට ප.ව. 4.15 දක්වා විවෘතව ඇත.
සේවය ලබාගැනීම සඳහා ගෙවිය යුතු ගාස්තු නැත
සනාථ කිරිම සඳහා අවශ්ය ලියවිලි - TIN සහතිකයේ මුල්පිටපත.
- සමාගමේ ලිපිනය වෙනස් කිරීම සම්බන්ධයෙන් සමාගම් රෙජිස්ට්රාර් විසින් සහතික කරන ලද ආකෘති පත්ර 13
- සමාගමේ නම වෙනස් කිරීම සම්බන්ධයෙන් සමාගම් රෙජිස්ට්රාර් විසින් සහතික කරන ලද ආකෘති පත්ර 43
- තනි හෝ හවුල් ව්යාපාර කටයුත්තක් සම්බන්ධයෙන් සංශෝධිත ව්යාපාර ලියාපදිංචි සහතිකය.
- වෙනස් කිරීම සඳහා ලිඛිත ඉල්ලීම ව්යාපාරයේ හිමිකරු විසින් හෝ සමාගම භාර අධ්යක්ෂ විසින් කළ යුතුය.
- සමාගම් රෙජිස්ට්රාර් විසින් සහතික කරන ලද ආකෘති පත්ර 01, ආකෘති පත්ර 20, සහ ආකෘති පත්ර 40 හි පිටපත්
සටහන - TIN සහතිකය අයදුම්කරුට හෝ බලයලත් තැනැත්තාට පමණක් නිකුත් කරනු ලැබේ.
- TIN සහතිකය නැතිවි හෝ අස්ථානගතවී ඇත්නම්, දිව්රුම් සහතිකයක් ඉදිරිපත් කිරිම මත පමණක් අනුපිටපතක් නිකුත් කරනු ලැබේ.
සියළුම ලිපිලේඛන වල ඡායා පිටපත් සහිතව මුල් පිටපත් ඉදිරිපත් කළ යුතු අතර මුල් පිටපත් ආපසු භාරදෙනු ලැබේ. 3.තාවකාලික එකතු කිරීමේ අගය මත බදු සහතිකයක් ලබා ගැනීම
බාගත කිරීම
සුදුසුකම් - කාර්තුවකට රු. 3,750,000 නොඉක්මවන සහ වර්ෂයකට රු. 15,000,000 නොඉක්මවන වටිනාකමකට භාණ්ඩ ආනයනය කරන තැනැත්තන්,
- එකතුකළ අගය මත බද්දෙන් නිදහස් භාණ්ඩ ආනයනය කරන තැනැත්තන්,
- ව්යාපාරික අරමුණු සඳහා නොවන භාණ්ඩ ආනයනය කරන තැනැත්තන්,
- ලැබෙන කොමිස් මුදල රු. 3,750,000 නොඉක්මවන නැව් බඩු මෙහෙයවන්නන්/නිෂ්කාශන නියෝජිතයින්/කුරියර් සේවා සපයන්නන්.
අයදුම්පත් ලබා ගත හැකි ස්ථානයන් බදු සේවා අංශය, පළමු මහළ, දේශිය ආදායම් දෙපාර්තමේන්තුව, චිත්තම්පලම් ඒ. ගාඩිනර් මාවත, කොළඹ 02 හෝ ප්රාදේශීය කාර්යාල වෙතින්.
අයදුම්පත් ඉදිරිපත් කළ යුතු ස්ථානය බදු සේවා අංශය, පළමු මහළ, දේශිය ආදායම් දෙපාර්තමේන්තුව, චිත්තම්පලම් ඒ. ගාඩිනර් මාවත, කොළඹ 02. බදු සේවා අංශය රජයේ නිවාඩු දින හැර සඳුදා සිට සිකුරාදා දක්වා පෙ. ව. 8.30 සිට ප.ව. 4.15 දක්වා විවෘතව ඇත.
අයදුම්පත් ලබා ගැනිම/ සේවා ලබා ගැනිම සඳහා ගෙවිය යුතු ගාස්තු නැත
සේවය සැලසිම සඳහා ගන්නා කාලය (සාමාන්ය සේවය සහ ප්රමුඛ සේවය) අවශ්ය ලියකියවිලි සමඟ නිසි පරිඳි සම්පුර්ණ කරන ලඳ අයදුම්පත් සම්බන්ධයෙන් සහතිකය විනාඩි 40 ක් ඇතුලත නිකුත් කරනු ලැබේ. ප. ව. 3.00 ට පෙර භාර දෙන අදාල සියළුම ලියවිලි සහිතව නිසි ලෙස සම්පූර්ණ කරන ලද අයදුම් පත් සඳහා එදිනම සහතිකය නිකුත් කරන අතර අනෙකුත් අයදුම් පත් සඳහා පසුදින නිකුත් කරනු ලැබේ.
සනාථ කිරීම සඳහා අවශ්ය ලියකියවිලි - බදු ගෙවන්නා හඳුනාගැනිමේ අංකය - TIN සහතිකය
- ආනයන කාර්යයන් සම්බන්ධයෙන් බැංකුව සහතික කළ වානිජ ඉන්වොයිසිය සහ නෞභාරපත
- අපනයන කාර්යයන් සම්බන්ධයෙන් ,අපනයන සංවර්ධන මණ්ඩලය විසින් නිකුත් කරන ලද අපනයන බලපත්රය හෝ අපනයන වලට අදාළ වෙනත් ලියකියවිලි (උදා.තේ මණ්ඩලයේ ,පොල් වගා කිරීමේ මණ්ඩලයේ ,මැණික් හා ස්වර්ණාභරණ අධිකාරියේ ලියාපදිංචි සහතිකය)
- ආදායම් බදු ගෙවන්නෙකු වනවිට අවසන් වරට කරන ලද ගෙවීමේ ලදු පත.
- තනි පුද්ගල ව්යාපාර/හවුල් ව්යාපාර සම්බන්ධයෙන් ව්යාපාර ලියාපදිංචි කිරීමේ සහතිකය
- ඉල්ලුම්කරුගේ/අධ්යක්ෂකගේ ජාතික හැඳුනුම් පත
- සීමිත සමාගමක් වන විට සංස්ථාගත කිරීමේ සහතිකය (ආකෘති පත්ර 2ඒ/41) සහ සමාගම ලියාපදිංචි කිරීම සඳහා වූ ඉල්ලුම් පත්රය (ආකෘති පත්ර 01/40)
සටහන - ඉහත සඳහන් සියලු ලේඛන ඡායා පිටපත් සමග ඉදිරිපත් කළ යුතුය.
- එකතු කිරීමේ අගය මත බදු අයදුම්පත් අධ්යක්ෂ /හවුල්කරු හෝ ආනයනකරු විසින් අත්සන් කළ යුතුය.
- බලයලත් තැනැත්තා සහතිකය ලබා ගැනීමට පැමිණෙන්නේ නම්, අදාළ තැනැත්තාගෙන් ලබාගත් බලය පැවරීමේ ලිපියක් සමඟ ඔහුගේ/ ඇයගේ ජාතික හැදුනුම්පතෙහි ඡායා පිටපතක් ඔහු/ ඇය විසින් ඉදිරිපත් කළ යුතුය.
4.ආදායම් බදු ලිපිගොනුවක් නොමැති තැනැත්තන් සඳහා ආදායම් බදු නිෂ්කාශන සහතිකය ලබා ගැනිම
සුදුසුකම
සමස්ත ප්රේෂණය රු. 1,000,000 ඉක්මවයි නම් (ස්ථීරව සංක්රමණය වන්නන් සඳහා)
අයදුම්පත් ලබා ගත හැකි ස්ථානයන්
බදු සේවා අංශය, පළමු මහළ, දේශිය ආදායම් දෙපාර්තමේන්තුව, චිත්තම්පලම් ඒ. ගාඩිනර් මාවත, කොළඹ 02 හෝ ප්රාදේශීය කාර්යාල වෙතින්.
අයදුම්පත් ඉදිරිපත් කළ යුතු ස්ථානය
බදු සේවා අංශය, පළමු මහළ, දේශිය ආදායම් දෙපාර්තමේන්තුව, චිත්තම්පලම් ඒ. ගාඩිනර් මාවත, කොළඹ 02. බදු සේවා අංශය රජයේ නිවාඩු දින හැර සඳුදා සිට සිකුරාදා දක්වා පෙ. ව. 8.30 සිට ප.ව. 4.15 දක්වා විවෘතව ඇත.
අයදුම්පත් ලබා ගැනිම/ සේවා ලබා ගැනිම සඳහා ගෙවිය යුතු ගාස්තු
නැත
සේවය සැලසිම සඳහා ගන්නා කාලය (සාමාන්ය සේවය සහ ප්රමුඛ සේවය)
අවශ්ය ලියකියවිලි සමඟ නිසි පරිඳි සම්පුර්ණ කරන ලඳ අයදුම්පත් සම්බන්ධයෙන් සහතිකය විනාඩි 40 ක් ඇතුලත නිකුත් කරනු ලැබේ. ප. ව. 3.00 ට පෙර භාර දෙන අදාල සියළුම ලියවිලි සහිතව නිසි ලෙස සම්පූර්ණ කරන ලද අයදුම් පත් සඳහා එදිනම සහතිකය නිකුත් කරන අතර අනෙකුත් අයදුම් පත් සඳහා පසුදින නිකුත් කරනු ලැබේ. සනාථ කිරිමට අවශ්ය ලියකියවිලි: - ජාතික හැදුනුම්පතෙහි, වලංගු ගමන් බලපත්රයෙහි, වීසා පිටුවෙහි, ස්ථිර වාසික සහතිකයෙහි, ද්විත්ව පුරවැසි සහතිකයෙහි, ඡායා පිටපත්
- වෙළදාම, ව්යාපාරය, රැකියාව හෝ වෘත්තිය ආරම්භ කිරිමේ සහ අවසන් කිරිමේ දිනය සඳහා ලේඛනගත සාක්ෂි ( අදාළ නම්)
-
නිෂ්කාශනය අවශ්ය කෙරෙන වටිනාකම සම්බන්ධයෙන් ලේඛනගත සාක්ෂි, මෙම ලේඛන සඳහා පහත සඳහන් දෑ ඇතුලත් විය හැකිය
-
පහත සඳහන් දෑහි ඡායා පිටපත්:
- ස්ථාවර තැන්පතු සහතිකයේ
- බැංකු ඉතුරුම් ගිණුම් පොත්හි
- බැංකු ප්රකාශයන්හි
(ඉහත දෑ සමඟ පසුගිය වසර 3 සඳහා රඳවා ගැනීමේ බදු සහතික)
- අදාළ බලධාරීන්ගෙන් ලද EPF සහ ETF ලේඛන
- නිෂ්චල දේපල ගනුදෙනු වලට අදාළ ලේඛන (නීතීඥයෙකු සහතික කළ ලියාපදිංචි කළ ඔප්පු පිටපත්)
- චංචල දේපල සම්බන්ධ ගණුදෙනු වලට අදාල ලේඛන (විකුණුම් ගිවිසුම, රථවාහන සම්බන්ධයෙන් MT-6 ආකෘතිය, ලියාපදිංචි සහතිකයේ පිටපතක්
- පරිත්යාග කරන්නන්ගෙන් ලද ත්යාග ලිපි
- ආදායම් බදු ලිපිගොනු අංක ඇතුලුව ප්රදානය කරන්නන් වෙතින් ලද ණය පිලිබඳ ලිපිය
- වෙනත් මූලයන්
|
|
|
|
|
|
|
|
|
|
|
