உள்நாட்டு இறைவரித் திணைக்களத்தின் உள்ளக விவகார பிரிவு (IAU)
2023 ஆம் ஆண்டு 09 ஆம் இலக்க ஊழல் தடுப்புச் சட்டத்தின் கீழ் இலங்கை ஜனாதிபதி செயலகம் மற்றும் இலஞ்சம் அல்லது ஊழல் குற்றச்சாட்டுகளை விசாரிப்பதற்கான ஆணைக்குழு இணைந்து தொடங்கியுள்ள "அனைத்து பொது நிறுவனங்களிலும் உள் விவகாரப் பிரிவை நிறுவுவதற்கான புதிய நடைமுறைக்கு" இணங்க, தற்போது எமது திணைக்களத்திற்குள் ஒரு உள் விவகாரப் பிரிவு நிறுவப்பட்டுள்ளது.
அதன்படி, எமது திணைக்களத்திற்குள் ஏதேனும் முறைகேடுகள், ஊழல்கள் அல்லது குற்றச்சாட்டுகள் குறித்து நீங்கள் அறிந்தால் எமது திணைக்கள வளாகத்தின் 12-வது தளத்தில் அமைந்துள்ள உள் விவகாரப் பிரிவுக்கு, பின்வரும் முறையைப் பயன்படுத்தி உங்கள் அடையாளத்தை வெளிப்படுத்தாமலோ அல்லது தங்கள் அடையாளத்துடன் தகவல் அல்லது முறையீடுகளை பின்வருமாறு முறையிடலாம்.
திணைக்களத்தின் கீழ் தளத்தில் அமைந்துள்ள முறைப்பாட்டுப் பெட்டிக்கு தகவல்/முறையீடுகளை அனுப்புதல்
| அஞ்சல் வழியான நெறிப்படுத்தல்களுக்கு |
உள்ளக விவகார பிரிவு,
உள்நாட்டு இறைவரித் திணைக்களம்,
சிற்றம்பலம் ஏ காடினர் மாவத்தை,
கொழும்பு 02. |
| மின்னஞ்சல் மூலம் அறிவித்தல் |
iau@ird.gov.lk |
| தொலைபேசி இலக்கங்கள் மூலம் அறிவித்தல் |
011 2135208 |
| QR குறியீடு ஊடாக அறிவித்தல் |
 |
உள்ளக விவகார அலகின் (உ.வி.அ) பொறுப்புகள் மற்றும் தொழிற்பாடுகள்
நிறுவன ஒருமைப்பாட்டின் முக்கிய அம்சங்களை கருத்தில் கொண்டு, முன்முயற்சியுடன் கூடிய, தெளிவான மற்றும் கவனம் செலுத்தும் ஊழல் எதிர்ப்பு முயற்சிகளை உறுதி செய்வதற்காக, உ.வி.அ பின்வரும் குறிப்பிட்ட பொறுப்புகள் மற்றும் செயல்பாடுகளை இலக்காக கொண்டது
- நிறுவனத்திற்குள் உள்ள முறையான இடையூறுகளை அடையாளம் காண தற்போதைய நடைமுறைகள் மற்றும் சுற்றறிக்கைகளை ஆராய்ந்து செயல்பாட்டு செயல்திறனை மேம்படுத்த அவற்றை எளிதாக்கல்
- நிறுவனத்தில் ஊழல் மற்றும் நெறிமுறையற்ற நடத்தைகளுக்கு வாய்ப்புள்ள பகுதிகளைக் கண்டறிந்து, இலக்கு தடுப்பு நடவடிக்கைகளை எடுக்க ஊழல் அபாய மதிப்பீடுகளை (ஊ.அ.ம.) நடத்துதல்.
- நிறுவனத்தின் தேவைகளுக்கு ஏற்ப வடிவமைக்கப்பட்ட, ஊழல் தடுப்பு தொடர்பான குறிப்பிட்ட நோக்கங்கள் மற்றும் உத்திகளை உள்ளடக்கிய 'நிறுவன நேர்மைக்கான செயல் திட்டத்தை' உருவாக்கிச் செயல்படுத்தவும்.
- iv.தேசிய ஊழல் எதிர்ப்பு செயல் திட்டத்துடன் (தே.ஊ.எ.தி.) நிறுவனக் கொள்கைகள் மற்றும் நடைமுறைகளை சீரமைப்பதன். மூலம் தேசிய ஊழல் எதிர்ப்பு இலக்குகளுடன் முழுமையாக இணங்குவதை உறுதி செய்தல்.
- 2023 ஆம் ஆண்டின் 9 ஆம் இலக்க ஊழல் எதிர்ப்பு சட்டம் உட்பட தேசிய மற்றும் சர்வதேச ஊழல் எதிர்ப்புச் சட்டங்களுடன் நிறுவனம் இணங்குவதை மதிப்பிடுவதற்கு வழக்கமான இணக்க மதிப்பாய்வுகளை நடத்துதல். மேலும் முன்னேற்றத்திற்கான பகுதிகளை அடையாளம் கண்டறிதல்.
- அனைத்து அரச அலுவலர்கள் மற்றும் பணியாளர்களுக்கான சொத்து வெளிப்படுத்தல் தேவைகளுக்கு இணங்குவதை உறுதிசெய்து மற்றும் இ.அ.ஊ.சா.பு.ஆ (CIABOC )விதிமுறைகள் மற்றும் 2023 ஆம் ஆண்டின் 9 ஆம் இலக்க ஊழல் எதிர்ப்பு சட்டம் ஆகியவற்றின்படி நல முரண்பாடுகளை நிர்வகித்தல்.
- நிறுவனத்தில் ஊழல் மற்றும் ஒழுக்கக்கேடான நடத்தை தொடர்பான புகார்களைப் பெறவும் நிர்வகிக்கவும் ஒரு பாதுகாப்பான முறைமையை அமைத்தல். அத்தகைய அனைத்து புகார்களும் தொடர்புடைய அதிகாரிகள் அல்லது பிரிவுகளால் உடனடியாக கையாளப்படுவதை உறுதி செய்தல்; மற்றும் சம்பந்தப்பட்ட தரப்பினருக்கு, வெளிப்படைத்தன்மை மற்றும் பொறுப்புக்கூறலை உறுதி செய்து சம்பந்தப்பட்ட தரப்பினருக்கு வழக்கமான கருத்துக்களை வழங்குதல் .தேவைப்பட்டால், ஊழல் எதிர்ப்பு சட்டத்தின் கீழ் விசாரணைக்காக தொடர்புடைய உண்மைகள், கண்டுபிடிப்புகள் அல்லது தகவல்களை இ.அ.ஊ.சா.பு.ஆ க்கு அனுப்புதல்.
- நிறுவனம் வழங்கும் சேவைகளை விவரிக்கும் வகையில், வரி செலுத்துவோருக்கான உரிமைகள் மற்றும் கடமைகள் குறித்த சாசனத்தை (Taxpayer Charter) உருவாக்கி வெளியிடுதல்.
- அரச அலுவலர்களால் கடைப்பிடிக்கப்பட வேண்டிய தரப்படுத்தப்பட்ட நடத்தை விதிகள் உட்பட, அறநெறி சார்ந்த நிர்வாகத்தை ஊக்குவிக்கும் கொள்கைகளை உருவாக்கி செயல்படுத்துதல்
- ஊழல் எதிர்ப்பு கொள்கைகளுக்கு அர்ப்பணிப்பதற்கு ஊழியர்களை ஊக்குவிப்பதற்காக பயிற்சி மற்றும் விழிப்புணர்வு உருவாக்கம் உள்ளிட்ட நடவடிக்கைகளை செயல்படுத்துதல்.
- தேசிய ஊழல் எதிர்ப்பு நேர்மை மதிப்பீட்டிற்கான மையப் புள்ளியாகச் செயல்படல், நிறுவனம் இ.அ.ஊ.சா.பு.ஆ CIABOC) மற்றும் தேசிய ஊழல் எதிர்ப்பு கட்டமைப்பின் வழிகாட்டுதலின்படி நேர்மை மதிப்பீட்டு செயல்முறைகளில் பங்கேற்பதையும் அவற்றுடன் ஒத்துப்போவதையும் உறுதி செய்தல்.
- பிரிவின் பணிகளைச் செயல்படுத்தும்போது தொடர்ச்சியான வழிகாட்டுதலையும் ஆதரவையும் பெறுவதற்கு CIABOC-உடன் தொடர்பைப் பேணவும்.
- உ.வி.அ.இன் செயல்பாடுகள், ஊழல் எதிர்ப்பு முயற்சிகளில் முன்னேற்றம், எதிர்கொள்ளும் சவால்கள் மற்றும் மேலும் நடவடிக்கைகளுக்கான பரிந்துரைகளை சுருக்கமாகக் காலமுறை மற்றும் வருடாந்தம் அறிக்கைகளை தயாரித்தல்
- ஒருமைப்பாடு அபிவிருத்தி திட்டங்களைத் திட்டமிட்டு செயல்படுத்த தனியார் துறை பங்குதாரர்களுடன் ஒத்துழைத்தல்.
